దువ్వూరివారిపాలెంలో ఇటీవల జరిగిన సిలిండర్ పేలి బూడిదైపోయిన 11 గిరిజన గృహాలను అచరిత్వ ఫౌండేషన్ సభ్యులు దర్శించి నిరాశ్రయులైన కుటుంబాలకు నిత్యావసర వస్తువులు అందజేసి ఓదార్పునిచ్చారు. ప్రతికుటుంబానికి 10 కేజీల బియ్యం,కందిపప్పు, నూనె ప్యాకెట్లు,ఉప్పు, పసుపు,చింతపండు లాంటి ఆహార వస్తువుల్ని అందజేశారు. ఈ సందర్భంగా అచరిత్వ ఫౌండేషన్ ఛైర్మన్, స్కౌట్ మాస్టర్ పి జి డి కృపాల్ మాట్లాడుతూ అన్నీ గృహాలు పూర్తిగా కాలిపోయి బూడిదైపోయాయని ,వారంతా ప్రాణాలతో బయటపడడం నిజంగా వారి అదృష్టమని వారితో కలిసి విషయాలు చర్చించినప్పుడు తన కళ్ళు చెమ్మగిళ్లాయని అన్నారు. ఈ కార్యక్రమంలో నిర్మలా మేరీ,పాస్టర్ జేమ్స్, మస్తాన్, క్రిమన్ బాబు మరియు విద్యార్థులు పాల్గొన్నారు.